ՆԱԽԱԳԾԻ ՄԱՍԻՆ
Հարգելի՛ հայրենակից, «Հայաքվե» նախաձեռնությունը մեկնարկել է Արցախի հանձնումը ձախողելու հետևյալ ծրագիրը․
Քրեականացնել Արցախն Ադրբեջանի մաս ճանաչող գործողությունը։ Մենք ՀՀ քրեական օրենսգրքում լրացում կատարող մի նախագիծ ենք կազմել, համաձայն որի Հայաստանի Հանրապետության անունից Արցախը այլ պետության մաս ճանաչող պաշտոնատար անձը պատժվում է 10-ից 15 տարի ազատազրկմամբ։ Անհրաժեշտ է ՀՀ 50 հազար քաղաքացու ստորագրություն, որ այս առաջարկությունը քննարկվի ՀՀ Ազգային Ժողովում։ Եթե Ազգային Ժողովը անտեսի 50 հազար քաղաքացու պահանջը, մենք համաժողովրդական հանրաքվեով կպարտադրենք նրան ընդունել մեր պահանջը։
ՀԱՐՑԵՐ ԵՎ ՊԱՏԱՍԽԱՆՆԵՐ
Ի՞նչ է «ՀԱՅԱՔՎԵ»-ն։
«ՀԱՅԱՔՎԵ»-ն քաղաքացիական-օրենսդրական նախաձեռնություն է, որն առաջարկում է քրեականացնել Հայաստանի Հանրապետության անունից Արցախն այլ պետության մաս ճանաչող ցանկացած գործողություն: Նախագծում կա ևս մեկ կետ՝ Հայոց ցեղասպանության նշանակությունը նսեմացնող գործողությունների քրեականացում։
Ո՞րն է նախագծի հիմնավորումը։
Մենք հիմք ենք ընդունում ՀՀ Անկախության հռչակագիրը, ՀՀ Սահմանադրությունը և ՀՀ Գերագույն խորհրդի 1992թ․հուլիսի 8-ի որոշումը։ Արցախի ու Հայաստանի Հանրապետությունների միավորումը և Հայոց Ցեղասպանության ճանաչումը մեր պետության կողմից սահմանված անժամկետ համազգային նպատակներն են։
Ինչպե՞ս է անցկացվելու «Հայաքվեն»։
Մենք ՀՀ քրեական օրենսգրքում լրացում կատարող մի նախագիծ ենք կազմել, համաձայն որի՝ Հայաստանի Հանրապետության անունից Արցախն այլ պետության մաս ճանաչող պաշտոնատար անձը պատժվում է 10-ից 15տարի ազատազրկմամբ։ Նույն պատիժը սահմանվում է Հայոց Ցեղասպանությունից հրաժարված պաշտոնատար անձի համար։
Ե՞րբ կարող ենք ստորագրել։
Ստորագրահավաքի մեկնարկի ժամկետը որոշում է Կենտրոնական ընտրական հանձնաժողովը՝ դիմումը ներկայացնելուց հետո տասնօրյա ժամկետում։ Ուստի, ժամկետները կհայտարարվեն լրացուցիչ։ Ենթադրյալ մեկնարկը հունիսին է։
Որտե՞ղ ու ինչպե՞ս ստորագրել։
Ստորագրում ենք մարզպետարաններում, համայնքապետարաններում, թաղապետարաններում։ Լրացուցիչ կտրամադրվեն հստակ հասցեները։ Պարտադիր է անձնագրի առկայությունը։ Կարևոր է․ պարտավոր չեք ստորագրել Ձեր գրանցման վայրում, կարող եք ստորագրել այլ գյուղում, այլ քաղաքում, այլ մարզում, այլ թաղամասում։ Ստորագրում եք աշխատանքային ժամերին։
Ո՞վ կարող է մասնակցել ստորագրահավաքին։
Ստորագրում են բոլոր նրանք, ովքեր հանդիսանում են ՀՀ քաղաքացիներ և, եթե ստորագրահավաքի օրը լրացել է ստորագրող քաղաքացու 18 տարին։ Դու պետք է տեր կանգնես քո պետության Սահմանադրությանն ու օրենքներին, քո սերունդների ճակատագրին։ Հայաքվեն քո պատասխանատվության դրսևորումն է։
ՆԱԽԱՁԵՌՆՈՂ ԽՈՒՄԲ
Լիլիթ Թումանյան
Վահե Դարբինյան
Տիրան Խաչատրյան
Սվետլանա Աճեմյան
Արամ Պետրոսյան
Կարին Տոնոյան
Ձյունիկ Աղաջանյան
Բագրատ Արքեպիսկոպոս Գալստանյան
Արամ Օրբելյան
Աբրահամ Գասպարյան
Շուշան Պետրոսյան
Լարիսա Ալավերդյան
Արա Ռոստոմյան
Աննա Կոստանյան
Ավետիք Չալաբյան
Արմեն Մանվելյան
Մենուա Սողոմոնյան
Հովհաննես Իշխանյան
Արսեն Գրիգորյան
Գևորգ Դանիելյան
Էդգար Ղազարյան
Հրանտ Թոխատյան
Ռուբեն Կարապետյան
Հովհաննես Ղազարյան
Ալեքսանդր Մանասյան
Արմեն Ներսիսյան
Արմեն Խաչիկյան
Հրանտ Միքայելյան
Միքայել Ոսկանյան
Վարազդատ Հարությունյան
Վարդան Սրտաշյան
Զարուհի Փոստանջյան
Տիգրան Չոբանյան
Ծաղիկ Վարդանյան
Սոնա Հովհաննիսյան
ՀՈԴՎԱԾՆԵՐ
Մենք կպարտադրենք այս իշխանություններին հանրաքվե։ Ավետիք Չալաբյան
Ազատ Արցախ Հայաքվե նախաձեռնության մեկնարկին՝ Ավետիք Չալաբյանի խոսքը։ «Օգտվելով ՀՀ Սահմանադրության 13-րդ հոդվածի ընձեռած հնարավորությունից՝ այսօր այստեղ հռչակում և սկսում ենք գործընթաց, որի նպատակը հանրաքվեն է՝ Արցախի Հանրապետությունից հրաժարումը քրեականացնելու նպատակով։ Մեզ պետք է 50000 արժանապատիվ հայ քաղաքացիների ստորագրությունը, որով էլ կպայթեցնենք միֆը, որ ոչ մի բան հնարավոր չէ անել»։
ավելինՊիտի բացատրենք մարդկանց, որ այս ստորագրության ետևում 1000ավոր երիտասարդ տղաների կյանք կա Հրանտ Թոխատյան
Ազատ Արցախ Հայաքվե նախաձեռնության մեկնարկին՝ Հրանտ Թոխատյանի խոսքը։ «88-ին, երբ Արցախից միասնության կոչ եղավ, ոչ ոք չէր ասում՝ ինձ քաղաքականությունը չի հետաքրքրում, բոլորս միասին մի բան ուզեցինք, ու ստացվեց՝ անց կացվեց հանրաքվեն, իմ բոլոր կոլեգաները ժողովրդի հետ միասին ասացին՝ այո՛, ու մենք ունեցանք անկախ երկիր։ Հիմա բացի մասնակցելուց պետք է նաև բացատրենք մարդկանց, որ այս ստորագրության ետևում հազարավոր երիտասարդ տղաների կյանք կա, որ զոհաբերեցին ոչ նրա համար, որ այսօր ինչ-որ մեկը միանձնյա որոշումով ջնջի այն պատմությունը, որը հասել է մեզ»։
ավելինՄասնակցել այս նախաձեռնությանը չի նշանակում այլևս ոչինչ չանել։ Արամ Օրբելյան
Ազատ Արցախ Հայաքվե նախաձեռնության մեկնարկին՝ Կոնցերն Դիալոգ փաստաբանական գրասենյակի կառավարիչ Արամ Օրբելյանի խոսքը։ «Մասնակցել այս նախաձեռնությանը չի նշանակում այլևս ոչինչ չանել, անձամբ ես մասնակցում եմ բոլոր այն նախաձեռնություններին, որոնք ուղղված են ՀՀ-ի Հայաստանի Հանրապետություն մնալուն, իսկ այս նախաձեռնությանը միանալու համար քաղաքացուց անհրաժեշտ է լինելու ամենափոքր ճիգը՝ 15-20 րոպե, աջակցելու համար՝ արդեն ավելի շատ ժամանակ։ Այս նախաձեռնությունը հստակ ցույց է տալիս ժողովրդի կամքը, իշխանավորները շատ են սիրում ասել՝ իշխանությունը պատկանում է ժողովրդին, այս հանրաքվեով ժողովուրդը պիտի իրացնի իր իշխանությունը»։
ավելինՄեզ համար անընդունելի է Արցախից և Հայաստանի տարածքներից հրաժարվելը։ Բարգրատ Արքեպիսկոպոս Գալստանյան
Ազատ Արցախ Հայաքվե նախաձեռնության մեկնարկին՝ ՀԱԵ Տավուշի թեմի առաջնորդ Բագրատ Արքեպիսկոպոս Գալստանյանի խոսքը։ «Մեզ համար անընդունելի է Արցախից և Հայաստանի տարածքներից հրաժարվելը։ Արցախում ոչ միայն մեր կրոնական, հավատքի և մշակութային արժեքներն են, այլև՝ մեր հիշողությունն ու մեր ինքնությունը։ Սա ցեղասպանություն է, որն իրագործվում է ՀՀ իշխանությունների կողմից բոլոր առումներով՝ հեգևոր, մշակութային, քաղաքական, լինելիության․․․․Մեզ ներարկված է անելանելիության գաղափարը, սակայն մենք կոչված ենք պայքարելու և վերականգնելու մեր արժանապատվությունը։ Հոգևոր կյանքում ամեն ինչը պայքարով է պայմանավորված՝ աղոթքը ևս պայքար է»։ Բագրատ Սրբազան
ավելինՀասցեներ
Երևան
📍Արաբկիր
Ն․Զարյան 27
📍Կենտրոն
Տերյան 44
📍Նոր Նորք
Գայի պողոտա 19
📍Շենգավիթ
Գ․ Նժդեհի փ․ 26
Սյունիքի մարզ
📍Կապան
Կապանի Մշակույթի կենտրոն
Չարենցի 2
📍գ.Տաթև
1-ին փողոց, 20
📍 Սիսիան
Համայնքապետարան
Սիսակյան 31
ԱՐՄԱՎԻՐԻ ՄԱՐԶ
📍Էջմիածին
Վետերանների միություն
Մ.Մաշտոցի 8